Return & Exchange Policy

No Return & Exchange

Cancellation Policy

No Cancellation

Owner

Mai Mohamed

Decription

شموع طبيعيه معطره و منتجات ريزن و توزيعات مناسبات

About

صباح الفل 🌹🌹أنا مى خريجه تربيه طفوله و بعشق الأعمال الفنيه و شغل الهاند ميدبدأت البراند بتاعى من سنه شموع معطره طبيعيه ومنتجات ريزن و مرواح عرايس جالى فكره إسم براند 🤍Tola🤍 من إسم بنتى تاليا حبيت يكون البراند بإسم دلعها ربنا يحفظها و يبارك فيها و يبارك فى أولادنا جميعا 💜من قبل م أبدا عرفت طبعا كل انواع الشموع و الريزن و بعدت عن الشمع الصناعى و أضراره الكتير إللى بتصيب الجهاز التنفسى ربنا يحفظنا و حبيت إن شغلي كله يكون بشموع طبيعيه معطره تهدى الأعصاب و تدى إحساس بالإسترخاء ✨كمان منتجات الريزن إستخدمت أجود أنواع الريزن و أحسن ماتريال فيه بعمل مرايات العرائس و الميكب أرتست و ساعات حائط و كمان دومينو و نوت بوكس و ماديليات و كل ما يخص الريزن بعمله عمري م أخدت صور من برامج او صور شغل ناس و نسبتها ليا أبدا كل الشغل إللى بعرضه بيكون شغلى أنا بحاول كل فتره أدخل عطور جديده فى شغلى و كمان وفرت مجموعه من عطور باث اند بادى البيست سيلر عندهم بأسعار أقل بكتير جدا منهم ❤️‍🔥🔥مفيش حد جرب شغلى مشكرش فيه بالعكس ده فى عملاء بتطلب مره و اتنين و تلاته و تعرف قرايبهم و صحابهم عنى و يطلبوا منى الحمدلله 🤍 و دى ثقه غاليه اعتز بيها 🤍بما إنى بشتغل بشموع طبيعيه و ماتريال بأحسن جوده الاسعار بتكون أغلى و ده للأسف الناس مش بتفهمه أو تتقبله الناس عاوزه أحسن جوده بأقل سعرو لما أسعار الماتريال زادت مبقاش يجيلى شغل إلا نادرا جدا و وقتها إتعرض عليا إنى أشتغل بشمع صناعى و خلطات شمع عشان أقلل التكلفه لكن أنا رفضت رفض تام إنى أقلل من جوده شغلى مقابل إن يجيلى شغل أكتر لكن الحمدلله أنا بتقى ربنا فى شغلى و إللى مقبلش إنى أستخدمه فى بيتى مش هقبل الناس تستخدمه تجربتي مع البلوجرز مكانتش أحسن حاجه عموما يعنى الأوردرات إللى بتيجى من الريفيو بتاعهم يدوب بتجيب تمن الجيفت إللى إتبعتلهم أو ممكن ميجيش اوردرات خالص لان الفتره الاخيره الناس مبقتش بتاخد كلام البلوجرز ثقه 🤦🏻‍♀️فرحت أوى بجد بفكره الجروب و يارب أتعرف و شغلى ينال إعجابكوا و تشجيعكوا 🤍نسيت أقولكوا بوصل لجميع المحافظات 🤍